जर… (रुडयार्ड किपलींगच्या “If” या कवितेचा मराठी भावानुवाद)


Image

जर,
भोवतीचे सारे ढासळत आहे, जग तुला दोषी ठरवत आहे
तेव्हा तू स्वत:ला सावरु शकलास
जर,
भोवतीचे सारे तुझ्याबद्दल शंका घेत आहे
नि तू आत्मविश्वासाने त्याचे निराकरण करु शकलास
जर,
तुझ्या संयमाला मर्यादाच नसतील
आणि खोट्याशी कधीच मैत्री नाही केलीस
तिरस्काराला स्थान नाही दिले
आणि हे सारं अगदी सहज, स्वाभाविक होऊ दिलंस
जर,
स्वप्नांचे गारूड नाही होऊ दि्ले, तू त्या स्वप्नांचा प्रणेता बनलास
विचारांच्या मागे न धावता विवेकाने विचारांना दिशा दिलीस
जर,
संकटे आणि विजय दोहोंचा अर्थ समजून घेवून त्यांचे स्वागत केलेस
धूर्तांनी मूर्खांना बनविण्यास तुमची वचने वापरताना ऐकूनही
तुझी तुझ्या शब्दांवरची निष्ठा अभंग राहीली
कधी सर्वस्वाची धूळधाण उडते आणि
शकलांतून साम्राज्य उभारण्यास तू पुढे सरसावतोस
दुर्दैवाच्या एका क्षणात आयुष्याची सारी कमाई पणाला लागते
हरलेला तू, पुढच्याच क्षणी नव्या आयुष्याची सुरवात करतोस
जर,
पराजयाचा स्पर्श तुझ्या श्वासालाही होत नाही…
जर,
कणा ताठ ठेवून हृदयाला समजावलेस,
“खूप काळ असायचंय, ऐहिकार्थाने संपल्यावरही
म्हणून टिकून राहा हातात काही नसतानासुद्धा
केवळ त्या दुर्दम्य जीवेच्छेच्या आधाराने”
जर,
जमावाशी संवाद करतांना वाहून न जाण्याची खबरदारी घेतलीस
आणि राजाबरोबर चालतांनाही सामान्यांचे भान नाही हरवलेस
शत्रु आणि मित्रांनाही अवध्य राहीलास
सर्वांशी नाते जोडलेस पण मर्जीला थारा नाही दिलास
आणि
मिनीटाची किंमत सेकंदा-सेकंदाने मोजून घेतलीस
तर माझ्या मुला, तुझीच आहे धरा..
तू आहेस जेता या अखिल विश्वाचा!
——–
(मराठी भावानुवाद
 अंबुजा साळगावकर)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s